فرار بیش از هزار نظامی افغان به تاجیکستان
فرمانده گارد مرزی تاجیکستان از ورود بیش از هزار نظامی افغان به اراضی این کشور پس از درگیری با گروه طالبان خبر داد.
به گزارش ایلنا به نقل از تاس، فرمانده گارد مرزی تاجیکستان اعلام کرد که بیش از هزار نظامی افغان پس از نبرد با عناصر گروه طالبان وارد خاک این کشور شده‌اند.
در بیانیه فرماندهی گارد مرزی آمده است: «هزار و ۳۷ نفر از نیروهای دولت افغان پس از درگیری‌های مسلحانه با طالبان برای فرار از مرگ حتمی به خاک تاجیکستان عقب‌نشینی کردند.»
در ادامه نیز تاکید شده است: «بر اساس اصل حسن همجواری و عدم دخالت در امور داخلی افغانستان به نیروهای ارتش افغانستان اجازه ورود به خاک تاجیکستان داده شد. وضعیت در حال حاضر در این مناطق مرزی تحت کنترل مرزبانان جمهوری تاجیکستان است.»
فرماندهی گارد مرزی تاجیکستان تاکید کرد که منطقه مرزی طی دو هفته گذشته شاهد عملیات انتقال اضطراری نیروهای افغان به خاک تاجیکستان بوده است.
